خبر سار لأرامل العسكريين…أموالكم بـ"القرض الفلاحي" سارعوا لسحبها

أخبارنا المغربية:الرباط

تتواجد بالمؤسسة البنكية “القرض الفلاحي”، مجموعة من التحويلات المالية تعود لفائدة أرامل العسكريين، الذين كانوا متواجدين وشاركوا في الحرب بالجمهورية الفرنسية.

وحسب تدوينة لإحدى الموظفات بالمؤسسة البنكية المذكورة، فتقاعد عدد مهم من العسكريين المتوفون المغاربة في صفوف الجيش الفرنسي سابقا يتواجد بالبنك، دون علم أغلبية زوجاتهم.

وقالت الموظفة في تدوينتها، أنها تصاب بالقلق عندما تلج تطبيق “pensions internationales”، وتكتشف مثلا أن زوجة لديها تحويلات نقدية مهمة منذ 2011، وهي لا تعلم عن الأمر شيئا.

وأرجعت المستخدمة في “القرض الفلاحي” سبب ذلك، إلى أن الأغلبية يقولون عن البنك بأنه بنك فلاحي، ويسألون في كل الأبناك ماعدا القرض، رغم أن تحويلاتهم المالية تتواجد به.

وهذا النص الكامل لتدوينة المستخدمة وتفاصيل التحويلات:

أنا خدامة فالقرض الفلاحي…كاينين عندنا الماندات ديال أرامل العسكريين اللي كانو في فرنسا فالحرب، وكاين نساء مسكينات ماعارفاتش راه  التقاعد ديال رجالهم عندنا من بعد الوفاة ديالهم  .. 

كندخل  pensions internationales   كيضرني خاطري كانلقا شي مراة مسكينة عندها من 2011 حتى اليوم ماندات ديال راجلها وهي مافراسها والو لأنهم تيقولو القرض الفلاحي ديال الفلاحة، وكيسولو فكل الأبناك إلا البنكة ديال القرض الفلاحي والمنضات ديالهم راه عندنا.

 ماكرهتش كل الأرامل يجيو ياخدو فلوسهم ولكن راهم كتار. ماعرفت منين نبدا  حيث مادايريش أرقام دالتيليفون في الوثائق اللي عندنا، دايرين غير السمية والكنية دليل الأزواج ديالهم، والعنوان مكانش.

 مثلا واحد السيدة عندها 12 لماندا  ومبالغ لابأس بها فواحد الدوار فكرسيف سميتو  zabttit  وهي مسكينة مافراسها والو  * المهم اللي من هاد الدوار وراجلها فالعسكر مات وكان تايتخلص من فرنسا ودفعات الوريقات ليهم وكايصيفطو ليها أن  فلوسها في المغرب، تمشي لأقرب قرض فلاحي إن شاء الله تلقاهم *    وخصوصا خصوصا تازة،  خنيفرة، أكادير،  هادو راه كتار بزااف .. 

 المهم اللي بيعرف شي وحدة كان راجلها في فرنسا، ومات ودفعات الأوراق الخاصة بالتفاعل ديالو، تسول في القرض الفلاحي على الله يا تلقى  فلوسها عندهم .. كاينين الناس بزاف فراسهم وكايتخلصو، وكاينيين ناس آخرين كتار مافراسهمش أوماكيتخلصوش من بعد الموت الأزواج ديالهم كيف قلت في الأول من 2011  .   

المرجو الإرسال على أوسع نطاق، جزاكم الله خيرا.